ڕاگەیاندنی «شۆرای دیمۆکراسیخوازانی ئێران»دەربارەی؛ هێنانی هێزە بێگانە بەکرێگیراوەکان بۆ ئێران

لە ڕۆژانی ڕابردوودا کۆماری ئیسلامی، دوابەدوای ناڕەزایەتییە بەربڵاو و ڕەواکانی خەڵکی ناوچە لافاو بەرکەوتووەکان، بەرامبەر بە ناکارامەبوون و هەڵسووکەوتی نابەرپرسانەی بەرپرسان و پێشگرتن بە گەیاندنی یارمەتییەکان لە لایەن ڕژیمەوە، کە زۆرجار بووە بە هۆی تێکهەڵچوونی خەڵک و هێزەکانی سپا، هێزەکانی حەشدی شەعبی عێراقی، حیزبوڵڵای لوبنان، فاتمیونی ئەفغانستان و زەینبیوونی پاکستانی... کە ناکرێت بە بێ ئیزنی وڵاتەکانیان بێت، هێنراونەتە ئێران بە مەبەستی سەرکوتی خەڵکی ناوچەلافاو لێدراوەکان.

شۆرای دیمۆکراسی خوازی ئێران ڕایدەگەیەنێت:

١-کۆماری ئیسلامی هەر لە سەرەتای هاتنە سەرکارییەوە، چ لە ناوخۆ و چ لە دەرەوە، پشتی بە هێزە دواکەوتوو، تاوانبار و تیرۆریستەکان بەستووە.

٢-ئەم ڕژیمە سەرکوتگەر و دیکتاتۆرە کە بەردەوام سیاسەتە وێرانگەرەکانی خۆی لە ڕێگای هێزەکانی سپا و بەکرێگیراوە ناوچەییەکان و یان بە شێوەی هاوبەش لەگەڵ بەکرێگیراوە بیانییەکان دەیبەنە پێش، لەم دۆخە قەیراناوییەی ئێستادا بە هێنانی نۆکەر و بەکرێگیراوە بیانییەکان، بەرژەوەندییەکانی خەڵک و وڵاتی ئێرانی خستۆتە خزمەتی بێگانەکانەوە، کارێکی نایاسایی تر دژ بە خەڵکی ئێران ئەنجام دەدات.

٣-ڕژیمی دەسەڵاتدار بە گرتنەبەری تاکتیکی فریوکارانە و هێنانی بەکرێگیراوە بیانییەکان بە ناوی یارمەتی گەیاندن بە لافاولێدراوەکان، هەوڵی ئەوەیە هێزەکانی سپای پاسداران لە بەرامبەر شەپۆلی تووڕەیی خەڵکدا پارێزراو بن و لە لایەکیتروە ئەوە بە دونیا بڵێت کە سپای پاسداران بۆ ڕووبەڕوو بوونەوە لەگەڵ هێزە سەربازییەکانی ئەمریکا لە ئەگەری ڕوودانی جەنگ تەنیا نییە و ئەوان دەتوانن هەم لە ئێران و هەم لە ناوچەکە بەرژەوەندییەکانی ئەمریکا لە ڕێگای دەوڵەت و هێزەکانی بەکرێگیراوی خۆیانەوە، بخەنە مەترسییەوە.

بەڵام بە دڵنیاییەوە ئەو خەڵکەی لەگەل مەرگ لە ململانێدان، لە مێژساڵە کە دوژمنانی ناوخۆیی واتە کۆماری ئیسلامی و سپای پاسداران و دوژمنە هاوبەشە دەرەکی کەئەو هێزە بێگانە بەکرێگیراوانەن کە رژیم بە کرێی گرتوون بە باشی دەناسن. خەڵک دەزانن کە سەرکوتگەرە بەکرێگیراوەکان بەمەبەستی کۆنتڕۆڵ و سەرکوتی ئەوان هێنراونەتە ناوچە لافاو لێدراوەکان، ئەو بەکرێگیراوانەی کە هیچکات ناتوانن ڕوخساری ناشیرین و چەپەڵی دوژمنانی سەرەکی خەڵک واتە حکوومەت و سپای پاسداران پاک بکەنەوە، بە پێچەوانە بوونی ئەم بەکرێگیراوانە دەبێت بە هۆی تووڕەیی زیاتری خەڵکی وەزاڵە هاتوو و ستەم لێکراوی ئێران.

شۆرای دیمۆکراسیخوازانی ئێران وێڕای پرۆتیستۆ کردنی هێنانی هێزە بێگانە و تیرۆریستەکان بۆ ناوخۆی وڵات، ئەو وڵات و هێزانەی کە یارمەتی کۆماری ئیسلامی دەدەن و هێزەکانیان بە شێوەی نامەشرووع و ڕێگەپێنەدراو بە مەبەستی کوشتنو ئەشکەنجەی خەڵکی ناڕازی دەخەنە خزمەتی خەڵکەوە، ئاگادار دەکاتەوە کە دەست لە کار و باری ناوخۆی ئێران وەر نەدەن و بەرامبەر بەو خەڵکەی کە بە دەست ئەم ڕژیمەوە وەزاڵە هاتوون و گیانیان گەیشتۆتە سەر لێویان، نەوەستنەوە.

_بەرەی دیمۆکراتیکی ئێران

_بەرەی یەکگرتووی بەلووچستان

_بزووتنەوەی هاوپشتی ستەملێکراوانی عەداڵەتخواز

_حیزبی دیمۆکراتی کوردستان

_کۆمەڵەی شۆڕشگێڕی زەحمەتکێشانی کوردستانی ئێران

_حیزبی تەزامونی دیمۆکراتیکی ئەهواز

_حیزبی یەکێتی بەختیاری لوڕستان و کەهگیلۆیە و بۆیر ئەحمەد (لوڕستانات)

_حیزبی خەڵکی بەڵووچستان

_ڕێکخراوی کەلتووری، سیاسی ئازەربایجان

_شۆرای هاوپەیامنی تورکمەن- ئێران

دەبیرخانەی شۆرای دیمۆکراسیخوازانی ئێران

٢٤ی ئاپریلی ٢٠١٩

ئه‌م بابه‌ته 121 جار خوێنراوه‌ته‌وه‌‌