بەشداریی هاوڕێیانی كۆمەڵە لە كۆنگرەی حزبی چەپ لە وڵاتی ئاڵمان

ڕۆژانی هەینی، ٣١ی مارس، تا یەكشەممە ٢ی ئاپریل، كۆنگرەی هاوبەشی دوو ڕێكخراوی یەكێتی فیدائیانی خەڵكی ئێران(زۆرینە) و یەكێتی فێدائیانی خەڵكی ئێران(هەوادارانی یەكگرتن) و كۆمەڵێك كەسایەتی چەپ، لە شاری كۆڵنی ئاڵمان بەڕێوەچوو.
كۆنگرە چەندین تەوەری  لە سەر بەرنامە و پڕۆگرام بۆ داهاتوی ئێران و  هەروها  پەیڕەوی ناوخۆیی بۆ حزب تەرخان كردبوو.
كۆنگرە بە زۆرینەی دەنگ ناوی حزبی چەبی ئێران(فەدائیانی خەڵك)ی  كردە ناوی نوێی حزب.
بەشێكی دێكەی كۆنگرە هەڵبژاردنی دەستەی بەڕێوەبەری بوو كە بە ناوی شۆڕای ناوەندی ئەركی بەڕێوەبردن و  كاروباری حزبیان پێسپێردرا.
هاوڕێیان محەممەد میسری و ئەحمەد مورتەزایی لە لایەن كۆمیسیۆنی پەیوەندی لە گەڵ حزبە ئێرانییەكان وە هێرو سەرسەیفی ئەندامی كۆمەڵە، لە لایەن كۆمەڵەوە بەشداریی كۆنگرە بوون.
لە درێژەی كۆنگرەدا پەیامی سكرتێری گشتی كۆمەڵە هاوڕێ عەبدوڵا موهتەدی بە شێوەی ڤیدۆئی بۆ ئەندامانی كۆنگرە و میوانان بڵاو كراوە.
حزبی چریكی فیدایی خەڵكی ئێران ساڵی ١٣٥٠ی هەتاوی لە سیاهكل دامەزراوە.

كۆمەڵەی شۆڕشگێڕی زەحمەتكێشانی كوردستانی ئێران
٣ی ئاپڕیلی ٢٠١٨

ئه‌م بابه‌ته 824 جار خوێنراوه‌ته‌وه‌‌

PM:11:46:03/04/2018