ڕاپۆرتی سمیناری تەشكیلاتی كۆمەڵە لە نۆروێژ

ڕۆژانی شەمە٩و یەكشەمە ١٠ی دیسامبری ساڵی ٢٠١٧ی زاینی لە شاری ئۆسلۆی پایتەختی وڵاتی نۆروێ سمیناری تەشكیلاتی ئەندامانی كۆمەڵە لە نۆروێژ بەڕێوە چوو.
كاتژمێر دەی سەر لە بەیانی بە ئامادە بوونی كۆمەڵێكی زۆر لە هاوڕێیان و هەر وەها ئامادە بوونی ژمارەیەك لە هاوڕێیان لە ڕێگای سكایپەوە سمینار بە فەرمی دەستی پێكرد.
سەرەتا هاوڕێ لوقمان فارووقی بەرپرسی لیژنەی ئامادەكاری بۆ سمینار بەخیڕ هاتنی هاوڕێیانی كرد و پاش بڵاو كردنەوەی سروودی بانگەواز و ڕاگرتنی خولەكێك بێدەنگی بۆ ڕێز گرتن لە یادی هاوڕێیانی گیانبەختكردوو كورتە  ڕاپۆرتێكی لە كار لیژنەی ئامادە كاری سمیناری پێشكەش كرد.
دواتر لە لایان ئامادەبوانەوە هاوڕێیان فەرهاد مینبەری، ئاسۆ قادری و بەهار فاتمی وەك هەیئەت ڕەیسەی سمینار هەڵبژێردران.
هاوڕێ فەردین سەڵەواتی ڕاپۆرتی كار و چالاكی ماوەی ڕابردوی تەشكیلاتی كۆمەڵە لە نۆروێژی پێشكەش بە هاوڕێیان كرد هاوڕێێان بە دەر بڕینی ڕا و بۆچوون و ڕەخنەو پێشنیارەكانیان ڕاپۆرتەكەیان تاو توێ كرد و بە هەڵسەنگاندنیان لە سەر كرد.
هاوڕێ مەنسوور سۆفی بابەتێكی زانستیانەی لە ژێر ناوی میدیا و حیزب پێشكەش بە ئامادەبوان كرد.
دواتر هاوڕێ ئارام بوداغی ئەندامی كۆمیتەی دەرەوەی وڵات كە ئامادەی سمینارەكە بوو، باسێكی پێشكەش بە هاوڕێیان كرد و دواتر وڵامی پرسیار وتێبینیەكانی دایەوە.
كاتژمێر ١٥ بەشی دووهەمی كۆنفەرانس بە ئامادە بوونی هاوڕێیانی كۆمەڵە و نوێنەری حیزب و ڕێكخراوەكان و كۆمەڵێك كەسایەتی سەر بە خۆ دەستی پێكرد. لەم بەشەدا هاوڕێ ئیبراهیم كۆنەپۆشی بە نوێنەرایەتی تەشكیلاتی كۆمەڵە باسێكی لە سەر دۆخی سیاسی ناوچەكە و بار و دۆخی بزووتنەوەی كورد و ڕاپۆرتی گشتی كار و چالاكییەكانی تەشكیلاتی كۆمەڵە لە نۆروێژ پێشكەش بە ئامادەبوان كرد
دواتر كات بە بەشدار بوان درا كە پرسیار و ڕەخنە و تێبینی وپێشنیارەكانیان ئاراستەی هاوڕێیانی كۆمیتەی نۆروێژ بكەن، كۆمەڵێكی بەرچاو بە پرسیار وتێبینی و پێشنیارەكانیان بەشداری  باسەكانیان كرد و سمینارەكەیان دەوڵەمەندتر كرد و پاشان هاوڕێ ئیبراهیم وڵامی پرسیار و باسەكانی دایەوە.
شایانی باسە لەم بەشەدا هاوڕێ زاگرۆس خۆسرەوی ئەندامی كۆمۆیسیۆنی پێوەندییەكانی كۆمەڵە لە دەرەوەی وڵات و بەرپرسی تەشكیلاتی كۆمەڵە لە ستۆكهۆڵم كە ئامادەی سمینارەكە بوو لە وڵامی پرسیاری ئامادەبواندا كە پێوەندی بە ڕاگەیاندنی ئەم دواییانەی شۆرای دیموكراسی خوازی بووباسێكی تێر و تەسەلی پێشكەش  كرد.
پاشان بەڕێز هەندرێن باوەنووری بەرپرسی كۆمیتەی یەكێتی نیشتمانی كوردستان لە نۆروێژ پەیامی پیرۆزبایی یەكێتی نیشتمانی لە نۆروێژ بە بۆنەی سیمارەوە پێشكەش كرد.
بەڕێز بابا عەلی گوڵانی بەرپرسی لیژنەی نۆروێژی پارتی دیموكراتی كوردستان و كارگێڕی لقی ٦ی ئەورووپای پارتی دیموكراتی كوردستان پەیامێكی تێر وتەسەلی پێشكەش كرد و پیرۆز بایی لیژنەی نۆروێژی پارتی دیموكراتی بە بۆنەی بەستنی سینارەوە پێشكەش كرد.
بەڕێز ساڵەیی بە نوێنەرایەتی ئەنجوومەنی بزووتنەوەی گۆڕان لە نۆروێژ پەیامێكی بە بۆنەی بەستنی سمیناری تەشكیلاتی كۆمەڵە پێشكەش كرد
ڕۆژی یەكشەمە كاتژمێر١٠ی سەر لە بەیانی دەستی پێكردەوە، لەم بەشەدا ماوەیەك بۆ هاوڕێیان تەرخان كرا لە ژێر ناوی باسی ئازاد، كات بە هاوڕێیان درا تا هەر هاوڕێیەك باس و گەڵاڵەیەكی هەیە یان ڕەخنە وتێبینییەكی لە سەر كار و چالاكی تەشكیلاتی كۆمەڵە لە نۆروێژ هەیە پێشكەش بكات.
دواین بڕگەی كاری سمینار هەڵبژاردنی كۆمیتەیەكی تازە بوو، بۆ ئەم پڕۆسەیە كۆمەڵێك لە هاورێیان پێشووتر خۆیان وەك كاندید لای لیژنەی بەڕێوە بەری ناو نووسی كردبوو.پاش ئەوەی سمینار بڕیاری دا ژمارەی ٥ كەس وەك ئەندامی ئەسڵی و ٢ كەس وەك جێگر بۆ كۆمیتەی داهاتوی هەڵبژێرێت كە بەشێوەیەكی تەواو دیموكراتیك لە نێوان مل ملانێیەكی دیموكراتیك و هاوڕێیانەدا سەرئەنجام ئەمو  هاوڕێیانی وەك  كۆمیتەی كۆمەڵە لە وڵاتی نۆروێژ:
بەهار فاتمی، شاناز  بابایی، فەردین سەڵەواتی، ئاسۆ قادری و مەنسوور سۆفی وەك ئەندامانی ئەسڵی و هاوڕێیان ڕامیار ئیزەدی و هیوا خورەند وەك جێگری كۆمیتەی هەڵبژێردران.
شایانی باسە كۆـەڵێك حیزب و ڕێكخرا و كەسایەتی ڕاستە و خۆ بە پەیام و چەپكە  گوڵەوە یان بە ناردنی برووسكە بەشداری سیمارەكەیان كرد كە بریتی بوون  لە:
یەكێتی نیشتمانی كوردستانی بە خوێندنەوەی پەیام
پارتی دیموكراتی كوردستان لیژنەی نۆروێژ بە خوێندەوەی  پەیام
پارتی دیموكراتی كوردستان ڕێكخراوی ئۆسلۆ
ئەنجوومەنی بزووتنەوەی گۆڕان لە نۆروێژ
حیزبی دیموكراتی كوردستانی ئێران
سازمانی خەباتی كوردستانی ئێران
پارتی سەر بەستی كوردستان
پارتی دیموكراتی كوردستان
هەر وەها بەڕێزان كاك جەعفەر حامدی و كاك سەلاح سەقزی و شێخ فایەق بەرزنجی بە چەپكە  گوڵەوە بەشداری سمینارەكەیان كرد.
سمینار پاش دووڕۆژ كاری چڕ و پڕ لە كەش و هەواێەكی دۆستانە دا سەركەوتوانە كۆتایی پێهات.

كۆمەڵەێ شۆڕشگێڕی زەحمەتكێشانی كوردستانی ئێران
كۆمیتەی نۆروێژ


ئه‌م بابه‌ته 549 جار خوێنراوه‌ته‌وه‌‌

PM:07:47:11/12/2017